Айсен Николаев Наука күнүнэн эҕэрдэлээтэ

Ил Дархан Айсен Николаев бүгүҥҥү Наука күнүнэн учуонайдары, эдэр чинчийээччилэри эҕэрдэлээтэ. Бу туһунан Ил Дархан уонна бырабыталыстба пресс-сулууспата иһитиннэрэр.

«Саха сирэ наука сайдыытыгар кылааттарын киллэрбит талааннаах академиктарынан, учуонайдарынан өрүү киэн туттар. Билигин «Север» билим киинин оҥорууга улахан үлэ ыытыллар. Манна аан дойду таһымнаах учуонайдар үлэлиэхтэрэ, экологияны, халлаан туругун чинчийиэхтэрэ. Саха наукатын төрүттээбит учуонайдар дьыалаларын билигин эдэр көлүөнэ утумнаахтык салгыыр. Россия наукатын күнүнэн эҕэрдэлээн туран, өссө үрдүк ситиһиини, саҥа арыйыылары баҕарабын», — диэтэ Ил Дархан.