Айсен Николаев олоохтоохтору нуучча тылын күнүнэн эҕэрдэлээтэ

Ил Дархан Айсен Николаев Саха сирин олохтоохторун нуучча тылын күнүнэн эҕэрдэлээтэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Нуучча тыла биһиги Россия олохтоохторун быһыытынан биир кэлим духуобунай уонна историческэй өйдөөх-санаалаах буолуубутун быһаарбыта. Норуоттар икки ардыларыгар хардарыта өйдөһүүнү бөҕөргөппүтэ», – диэн Ил Дархан эттэ.

Нуучча тыла үйэлэр тухары биһиги элбэх норуоттаах өрөспүүбүлүкэбит быстыспат сорҕото буоларын Айсен Николаев тоһоҕолоото.

«Саха сирин олохтоохторо «улуу уонна модун күүстээх» нуучча тылын муудараһын уонна духуобунай нэһилиэстибэтин харыстыыллар, ону тэҥэ бэйэлэрин төрүт тылларын уонна култууралырын кытта хардарыта байыталлар», – диэн бэлиэтээтэ.