Айсен Николаев үрүҥ эһэни өлөрбүт браконьердары буларга соруйда

Айсен Николаев Аллараа Халымаҕа үрүҥ эһэни өлөрбүт браконьердары буларга соруйда. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Өрөспүүбүлүкэ баһылыгын соругунан силиэстийэ ыытыллар, холуобунай дьыала көбүтэргэ Аллараа Халыматааҕы Ис дьыала салаатыгар уонна регионнааҕы Росприроднадзор управлениетыгар дьыала матырыйаала бэрилиннэ», — диэн иһитиннэриигэ этиллэр.

Эһэ оҕотун эрдэ Походскайтан 30 килэмиэтирдээх сиргэ, Халыма өрүс аллараа тардыытыгар бултуу сылдьарын көрбүттэр. Бу кэнниттэн өлбүтүн булбуттар.

Санатан эттэххэ, Аллараа Халымаҕа үрүҥ эһэни ытан өлөрбүттэрэ.