Айсен Николаев Саха сиригэр кэлбит дьон санитарнай эпидемиологичэскэй хонтуруолун күүһүрдэргэ соруйда

Ил Дархан Айсен Николаев коронавирус тарҕаныытын сэртэр туһугар Саха сиригэр кэлбит пассажирдары бэрибиэркэлээһини күүһүрдэргэ соруйда. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

«Короновирус инфекциятынан ыалдьыбыт дьону быһаарар санитарнай эпидемиологичэскэй хонтуруол ис уонна тас дойду рейстэринэн, ону тэҥэ поеһынан Кытайтан, Азия дойдуларыттан, Сибиир уонна Уһук Илин куораттарыттан кэлэр пассажирдарга ыытыллыаҕа», — диэн этиллэр.

Айсен Николаев сөмөлүөттэргэ, поезтарга уонна таможня көрүүтүгэр икки хос хонутуруол систиэмэтин туоруорарга соруйда.

Саха сиринээҕи Роспотребнадзор салалтатын көрдөрүүтүнэн, өрөспүүбүлүкэҕэ короновирус инфекциятынан ыалдьыбыт дьон бэлиэтэммэт.