Айсен Николаев: Саха сирэ онкологиянан ыалдьыы рейтинигэр бүтэһиктэр ахсааннарыгар сылдьар

Россия искэн ыарыытынан ыалдьыы рейтинигэр Саха сирэ бүтэһик 10 регион ахсааныгар сылдьар. Бу көрдөрүүнү өйүүр туһугар, аныгы ирдэбилгэ эппиэттиир уонна толору хааччыллыылаах онкология киинэ ирдэнэр, диэн Ил Дархан «Саха сирэ, иннин диэки!» («Якутия, вперед!») биэриигэ кэпсээтэ.

«Онкология киинэ үлэҕэ киирэр кэмигэр сөп түбэһэр, аныгылыы ирдэбилгэ эппиэттиир буолуохтаах. Бырайыак 2013-2015 сылларга оҥоһуллубутун учуоттаан туран, техническэй хааччыйыы боппуруоһа 2020-с сылга эппиэтиир буолуохтааҕын туһунан сорудаҕы биэрбитим», – диэн Айсен Николаев бэлиэтээтэ.

Өрөспүүбүлүкэтээҕи онкология киинэ Саха сирин эрэ буолбакка, дойду хотугулуу-илиҥҥи регионнарын ыарыһахтарын эмиэ эмтиир буолуоҕа.

2020 – 2023 сылларга онкология киинин тутууга Россия хааһынатыттан 5,9 мөлүйүөн солкуобай суума көрүллүө.