Айсен Николаев уонна Евгений Григорьев Дьокуускай сайдыытын быһаарыстылар

Ил Дархан Айсен Николаев уонна саҥа талыллыбыт Дьокуускай баһылыга Евгений Григорьев ааспыт быыбар түмүгүнэн көрүстүлэр.

Дьокуускай сайдыытыгар сыһыаннаах тирээн турар боппуруостары кэпсэтистилэр. Национальнай бырайыактарынан — суол тутуутун, социальнай объектары тутууну, дьону саахалланар туруктаах дьиэлэртэн көһөрүүнү о.д.а.

2022-2032 сылларга куорат социальнай-экэнэмиичэскэй сайдыытын ырыттылар. Тустаах ыйааҕы оҥорор туһунан Айсен Николаев Ил Түмэҥҥэ анал туһаайыытыгар былырыын ахсынньыга эппитэ. Евгений Григорьев ыйаах бырайыагын Дьокуускай уопсастыбаннай палататыгар олунньу саҥата билиһиннэрбитэ. Ил Дархан эппитинэн, бырабыыталыстыба уонна куорат дьаһалтата дьон олоҕун тупсарыыга туһулаан бииргэ үлэлэһиэхтэрэ.