Айсен Николаев уонна Павел Колобков Чурапчы спортивнай эбийиэктэригэр сырыттылар

Бүгүн Ил Дархан Айсен Николаев уонна Россия спордун миниистирэ Павел Колобков Чурапчы улууһугар үлэлииллэр.

Айсен Николаев уонна Павел Колобков Чурапчытааҕы физическэй култуура уонна спорт институтун тутулла турар 200 миэстэлээх уопсай дьиэтигэр сырыттылар, итиэннэ Дмитрий Коркин аатынан өрөспүүбүлүкэтээҕи спортивнай интэринээт-оскуола үөрэнээччилэрин кытта көрүстүлэр.

Бу сырыы кэмигэр Ил Дархан уонна Россия спордун миниистирэ, физическэй култуура уонна спорт эйгэтигэр бииргэ үлэлэһии туһунан сөбүлэһии түһэрсиэхтэрэ.

Маны таһынан Чурапчытааҕы институт тэриллибитэ 20 сылыгар анаммыт үөрүүлээх тэрээһиҥҥэ кыттыахтара, дойду спордун министиэристибэтин иһинэн үлэлиир үрдүк үөрэх кыһаларын салайааччыларын кытта көрсүөхтэрэ.