Айсен Николаев Владимир Мединскэйи киинэ бэстибээлигэр ыҥырда

Ил Дархан Айсен Николаев 2020 сыл кулун тутар ыйыгар ыытыллар V аан дойдутааҕы киинэ бэстибээлигэр дойду култуураҕа миниистирин Владимир Мединскэйи ыҥырда. Бу туһунан СӨ баһылыгын уонна бырабыыталытстыбатын пресс-сулууспата иһитиннэрэр.

Киинэ бэстибээлин чэрчитинэн тыа сирин кыра киинэ тыйаатырдарыгар, өрөспүүбүлүкэ сакааһынан Японияҕа оҥоһуллубут проектордары көрдөрүөхтэрэ. Бу проектордарга киинэ ааптарыскай быраабын харыстыыр анал сервер таҥыллан сылдьар.

Саха сирэ киинэ оҥорон таһаарыыга дойду үрдүнэн биир бастыҥ регионунан биллэрин туһунан Айсен Николаев бэлиэтээтэ.