Айсен Николаев Владимир Путин туһаайыыларын тус хонтуруолга ылла

Ил Дархан Айсен Николаев Россия бэрэсидьиэнэ Владимир Путин иһитиннэрбит туһаайыыларын олоххо киллэриини тус хонтуруолга ылла. Бу туһунан РИА Новости иһитиннэрэр.

«Дойду бэрэсидьиэнэ иһитиннэрбит миэрэлэрэ бары бүгүҥҥү күҥҥэ олус суолталаахтар. Бу дьаһаллары Саха сиригэр олоххо киллэриини бэйэм тус хонтуруолбар ылабын», — диэн Ил Дархан эттэ.

Айсен Николаев өрөспүүбүлүкэ уустук усулуобуйатыгар социальнай көмөлтө төлөбүрдэр уонна чэпчэтиилэр сайабылыанньата суох уһатыллар буолбуттара олус табыгастааҕын бэлиэтээтэ. Ону тэҥэ оҕолоох дьиэ кэргэттэргэ судаарыстыба ураты болҕомтону уурара ирдэнэрин сөпсөстө.

«Эбии көмө көрүллүүтэ сибилигин олус суолталаах. Биһиги билигин бастататан туран суһал дьаһалы толоруохпутун наада. Төлөбүрү ыксатар иннигэр Саха сирин Гражданскай турук актатын толорор управлениеттан дааннайдары нолуогабай сулууспаҕа тириэрдэ охсуохха наада», — диэн эттэ.