Айсен Николаев Забайкалье олохтоохторугар кутурҕанын тиэртэ

Саха сирин Ил Дархана Айсен Николаев Забайкальскай кыраай Сретенскэй оройуонугар 19 киһи өлүүлээх суол саахала тахсыбытынан кутурҕанын тиэртэ диэн «Якутия 24» телеханаал Айсен Николаев twitter-гэ аккаунугар тирэҕирэн иһитиннэрэр.

«Саха сирин олохтоохторун ааттарыттан Забайкалье олохтоохторугар Сретенскэй оройуоҥҥа дьон өлүүлээх алдьархай тахсыбытынан дириҥ кутурҕаммын тиэрдэбин. Эһигини кытта тэҥҥэ курутуйабыт», — диэн Ил Дархан суруйбут.

Бу иннинэ «Якутия 24» телеханаал Забайкальскай кыраай Сретенскэй оройуонугар баар Куэнга өрүһү туоруур муостатыттан дьону таһар автобус түҥнэстибитин туһунан суруйбута.