Айылҕа харыстабылын инспектора сокуоннайа суохтук 20 кииһи бултаабыт

Сунтаар улууһугар айылҕа харыстабылын судаарыстыбаннай инспектора 20 кииһи сокуона суохтук бултааһыҥҥа буруйданар. Бу туһунан СӨ борокуратууратын пресс-сулууспата иһитиннэрэр.

Күндү түүлээҕи ураты харыстанар сиртэн бултаабыттара бэлиэтэнэр.

«Служебнай бэрэбиэркэ түмүгүнэн, Саха сирин айылҕа харыстабылын судаарыстыбаннай инспектора инники үлэлиир эрэлин сүтэрэн, үлэтиттэн уһулунна», — диэн иһитиннэриигэ этиллибит.

Билиҥҥи туругунан тахсыбыт чахчынан холуобунай дьыала тэрилиннэ. Дьыаланы улуус борокуратуурата хонтуруолга тутар.