Алдаҥҥа 5 магнитудалаах сир хамсааһына бэлиэтэннэ

Алдан оройуонугар 5,0 магнитудалаах сир хамсааһына тахсыбыт. Бу туһунан ТАСС иһитиннэрэр.

Иһитиннэриини Россия наукаларын академиятын биир кэлим геофизическэй сулууспатын Саха сиринээҕи салаата бигэргэттэ.

Сир хамсааһына Дьокуускай бириэмэтинэн 3.46 чааска тахсыбыт. Координаталара — хотугу кэтирээһин 57°99′, илиҥҥи кэтирээһин 126°54′. Киинэ 15 килэмиэтир дириҥҥэ бэлиэтэммит.

Нэһилиэнньэттэн үҥсүү киирбэтэ, алдьаныы уонна эмсэҕэлээһин тахсыбата.

Санатар буоллахха, тохсунньу 13 күнүгэр Булуҥ улууһун Тиксии бөһүөлэгиттэн 51 килэмиэтир тэйиччи сиргэ 4,3 магнитудалаах сир хамсааһына бэлиэтэммитэ.