Александр Петров буулдьанан ытыыга рекорд олохтоото

Саха сирин спортсмена Александр Петров пневматическай уонна кыра калибрдаах саа-сэбинэн ытыыга рекорд олохтоото уонна икки кыһыл көмүс мэтээлинэн наҕараадаланна. Бу туһунан «Спорт Якутии» иһитиннэрэр.

Олунньу 18-25 күннэригэр Глазов куоратыгар Евгений Драгунов кэриэһигэр аналлаах Россиятааҕы буулдьанан ытыы турнира буолан ааста.

Александр Петров кыра калибрдаах бэстилиэтинэн ытыы МПП-60 уонна МПП-40 дьиссипилиинэлэргэ мэтээлинэн наҕараадаланна. Маны таһынан икки көрүҥ түмүгүнэн 560 очукуоланан рекорд олохтоото.

Инники рекорд 2015 сыллаахха туруоруллубута бэлиэтэнэр.