Аллайыахаҕа «Кыталык» национальнай паарка арылынна

Дойду бырабыыталыстыбата Аллайыаха улууһугар «Кыталык» диэн саҥа национальнай паарканы төрүттээтэ. Кыталык «Экология» национальнай бырайыак иитинэн толкуйданан, үбүлэнэн үлэҕэ киирдэ. 1,9 дэһээтэй га иэннээх айылҕа паарката кыталыгы үйэтитиигэ уонна харыстааһыҥҥа туһуланар. Санаттахха, бу көтөр сүтэр кутталлаах буолан аан дойду уонна Россия Кыһыл кинигэтигэр киирсэр. Маны тэҥэ паарка көмөтүнэн Дьааҥы-Индигиир диэки баар туундараны, сэдэх көтөрдөрү, ол иһигэр дьиикэй табаны итиэннэ хотугу норуоттар төрүт үгэстэрин харыстыыр санаалаахтар.