Аллайыаха улууһун уонна Чокурдаах бөһүөлэгин дьаһалталарын холбоотулар

Аллайыаха улууһун уонна Чокурдаах бөһүөлэгин дьаһалталарын холбооһун түмүктэннэ. Бу туһунан СӨ баһылыгын уонна бырабыыталыстыбатын дьаһалататын пресс-сулууспата иһитиннэрэр.

Бу дьаһал икки тыһыынча нэһилиэнньэлээх бөһүөлэк олохтоохторугар ордук тоҕоостооҕо бэлиэтэнэр.

«Ороскуот кээмэйин аччатыы боппуруоһа көтөҕүллүбэтэҕэ, улуус киинин дьаһалтатыгар көрүллэр үп кээмэйэ толору хаалар. Дьаһалталары холбооһун олохтоох бэйэни салайыныы көдьүүһүн үрдэтэр сыалтан, нэһилиэнньэҕэ табыгастаах буоларыгар оҥоһулунна. Чокурдаах олохтоохторо күннээҕи кыһалҕалара быһаарыылара чэпчиэ уонна түргэтиэ», — диэн улуус баһылыга Яков Елисеев эттэ.

Ил Дархан Айсен Николаев бэлиэтииринэн, олохтоох бэйэни салайыныы салаатын уларытыы тустаах көҕүлээһинэ өрөспүүбүлүкэ атын улуустарыгар холобур буолуон сөп.