Аллараа Бэстээххэ 23 киһини изоляцияны кэһии иһин ыстарааптаабыттар

Мэҥэ Хаҥалас Аллараа Бэстээҕэр 23 киһи дьиэҕэ олоруу режимин кэһэн административнай эппиэтинэскэ тардыллыбыт. Бу туһунан суһал штаб иһитиннэрэр.
«Бүгүҥҥү күҥҥэ Аллараа Бэстээххэ толору изоляция режимэ үлэлиир. Дезинфекция оҥоһуллар», — диэн этэллэр. Обсерваторга 56 киһи сытар, 71 киһи ыалдьыбыттары кытта алтыспыт. 13 киһи атын дойдуттан кэлбит. Ааспыт сууккаҕа түөрт киһи коронавирустаабыт.