АЛРОСА 7 ый иһигэр 1 млрд. доллар алмаас-бриллиант бородууксуйатын атыылаата

АЛРОСА хампаанньа алмаас матырыйаалларын уонна кырыыламмыт алмаас атыытын сэттэ ыйдааҕы түмүгүн таһаарда. Бу туһунан хампаанньа пресс-сулууспата иһитиннэрэр.

От ыйыгар бородууксуйа атыытын уопсай кээмэйэ 35,8 мөлүйүөн долларга тэҥнэстэ, ол иһигэр алмаас матырыйаалларын атыытыттан киирбит дохуот — 22,7 мөлүйүөн доллар, кырыыламмыт алмаастан − 13,2 мөлүйүөн доллар.

2020 сыл сэттэ ыйын устата АЛРОСА алмаас уонна бриллиант бородууксуйатын атыытын кээмэйэ 1,027 миллиард долларга тэҥнэстэ, ол иһигэр алмаас матырыйаалларын атыыта – 978 мөлүйүөн доллар, кырыыламмыт алмаас – 49,0 мөлүйүөн доллар.

«Алмаас уонна бриллиант салаатын бары сүһүөхтэригэр үөскээбит уустук быһыыны-майгыны учуоттаан, биһиги уһун болдьохтоох клиеннэрбитигэр көрүллэр өйөбүл миэрэлэрин уһаттыбыт, от ыйдааҕы атыы-эргиэн сессиятын чэрчитинэн кинилэргэ контрагынан ыллыбыт матырыйааллар кээмэйдэрин атыылааһыыттан аккаастанар кыах биэрдибит. Ону таһынан, бу ыарахан кэмҥэ биһиги клиеннэрбитигэр көрүллэр усулуобуйаларга эбии чэпчэтиилэри эбэргэ, кинилэри өйүүргэ быһаарыы ылыллыбыта», — диэн АЛРОСА Евгений Агуреев кэпсээтэ.

Ырыынакка ирдэбиллэр уонна этиилэр баланстарын суһаллык ситиһэр сыалтан, хампаанньа туох баар ирдэнэр кыһамньытын уурууну салгыырын генеральнай дириэктэр бэлиэтээтэ.