АЛРОСА Америка аукционугар 5 мөлүйүөн долларга алмааһы атыылаата

АЛРОСА Америкаҕа ыыппыт аукционугар 4,8 мелүйүөн доллар кэриҥэ сумалаах кырыыламмыт алмаастарын атыылаата. Бу туһунан хампаанньа пресс-сулууспата иһитиннэрдэ.

Уопсайа 435 карат ыйааһыннаах 255 кырыыламмыт алмаас, ол эбэтэр уопсай ассортимент 80 %-на атыыга барбыта бэлиэтэнэр.

«Чуолаан эттэххэ, хампаанньа 21 көннөрү, 73 Yellow, Pink уонна Purple өҥнөөх уонна өҥ эгэлгэтинэн сааһыланан оҥоруллубут 65 карат ыйааһыннаах тоҕус кырыыламмыт алмааһы атыылаата», — диэн этиллэр.

Аукциоҥҥа Америка холбоһуктаах штаттарын, Бельгия, Израиль, Кытай, Индия, Гонконг уонна Россия хампаанньалара кыттыыны ыллылар.

«Нью-Йорка буолбут аукциоҥҥа эгэлгэ өҥнөөх уонна хатыламмат быһыылаах алмаас араас ассортименнын көрдөрдүбүт. Лот көрүүтүгэр 50-тан тахса хампаанньа кыттыыны ылла, олор истэригэр Америка хампаанньалара эмиэ. Атыы үчүгэй көрдөрүүлээх түмүктэннэ, таһаарбыт алмаастарбыт үгүһэ атыыланна», — диэн «АЛРОСА кырыыламмыт алмаастара» салаа дириэктэрэ Павел Винихин эттэ.

Бу АЛРОСА хампаанньа Нью-Йорк куоракка ыыппыт иккис алмаас аукциона буолар, маҥнайгы аукциона быйыл сайын 3 мөлүйүөн доллары киллэрбитэ.