«Алроса» хампаанньа 500 мөл солк коронавирус дьаҥын утары охсуһууга ыытта

Өрөспүүбүлүкэҕэ COVID-19 ыарыыны утары «Алроса» хампаанньа уопсайа 500 мөлүйүөн солкуобайтан тахса сууманы анаабыт. Бу туһунан тэрилтэ пресс-сулууспата иһитиннэрэр.

Хампаанньа көмөтүн бэйэтэ оҥорон таһаарар тэрилтэлэрин сирдэригэр, судаарыстыбаннай медицинскэй кииннэргэ туһаайбыт.

«Айхал, Удачнай, Мирнэй, Ленскэй уонна Дьокуускай куорат балыыһаларыгар хампаанньа өйөбүл харчы анаабыта. Үп саҥа ИВЛ аппарааттары, эми-тому, харыстыыр, ыраастыыр тэриллэри, СОVID-19 ыарыыны билэр реагеннары атыылаһарга анаммыттара», — диэн этиллэр.

Ону таһынан, «Алроса» хампаанньа үтүө өҥө быһыытынан уон тыһыынча кэриҥэ коронавирус дьаҥын билэр тестэри Дьокуускай уонна Мирнэй куораттар лабораторияларыгар ыыппыта.

«Алроса» тэрилтэ медицинскэй киинигэр 6 дьоҕус дьаҥы быһаарар лаборатория, 17 тепловизор баара биллэр. Ону таһынан үлэһиттэргэ эбии харчы төлөнөр.