АЛРОСА «Мир» рудник урукку тойонун дьиэ кэргэнигэр көмөлөһүө

АЛРОСА хампаанньа Алексей Бурксер дьиэ кэргэнигэр материальнай көмөнү оҥоруоҕа. Бүгүн, алтынньы 8 күнүгэр, силиэстийэлиир изоляторга кини өлүгүн булбуттара. Бу туһунан хампаанньа пресс-сулууспата иһитиннэрдэ.

АЛРОСА-ҕа урут үлэлии сылдьыбыт икки киһи — Манн уонна Бурксер алтынньы 7 күнүгэр «Мир» рудникка буолбут саахал холуобунай дьыалатынан тутуллубуттара. Бүгүн, оптуорунньукка, рудник урукку начаалынньыга Алексей Бурксер силиэстийэлиир изоляторга бэйэтигэр тиийиммитин булбуттара.

«Кини дьиэ кэргэнигэр, бүтүн хампаанньаҕа иэдээн буолла. Чугас дьонугар, аймахтарыгар, доҕотторугар кутурҕаммытын тиэрдэбит. Бэрэбиэркэ туох буолбутун чуолкай быһаарыа диэн эрэнэбит. Бурксер дьиэ кэргэнигэр материальнай көмө оҥоһуллуо», — диэн АЛРОСА генеральнай дириэктэрэ Сергей Иванов эттэ.

Бу иннинэ Силиэстийэлиир кэмитиэт «Мир» рудник урукку начаалынньыга өлбүтүнэн бэрэбиэркэ ыытар диэн иһитиннэриллибитэ.