Алтынньы 2 күнүгэр гражданскай оборонаҕа үөрэтии ыытыллыаҕа

Алтынньы 2 күнүгэр өрөспүүбүлүкэҕэ Бүтүн Россиятааҕы гражданскай оборонаҕа үөрэтии ыытыллыаҕа. Бу туһунан РФ Ыксаллаах быһыы-майгы министиэристибэтин Саха сиринээҕи салаатын пресс-сулууспата иһитиннэрэр.

«Үөрэх суукка иһигэр ыытыллыаҕа. Үөрэтии бириэмэтигэр техногеннай уонна айылҕаҕа тахсар ыксаллаах быһыы-майгы биллэриллэр түгэнигэр, гражданскай оборонаны тэрийии боппуруостарын ситэри көрүөхтэрэ», — диэн иһитиннэриигэ этиллэр.

Маны таһынан, нэһилиэнньэҕэ биллэрии систиэмэтин, эмсэҕэлээбит дьоҥҥо көмөҕө уонна ыксаллаах быһыыны-майгыны суох оҥорууга туһаныллыан сөптөөх эбийиэктэр уонна дьон эвакуацияларын былаанын бэрэбиэркэтэ буолуоҕа.

Бүтүн Россиятааҕы гражданскай оборонаҕа үөрэтии сыл аайы ыытыллар, дойдуга гражданскай оборона ыйын саҕалыыр үгэс буолбут тэрээһинэ буолар.