Аммаҕа таас чоҕу тиэйии түмүктэннэ

Олох-дьаһах коммунальнай хаһаайыстыбатын Амматааҕы салаатыгар сайыҥҥы уу суолунан тиэрдиллиэхтээх таас чох быйылгы былаана туолла. Бу туһунан СӨ ОДьКХ министиэристибэтин пресс-сулууспата иһитиннэрэр.

Ол курдук Аммаҕа 26 тыһыынча туонна кытаанах оттук тиэрдилиннэ, Соморсуҥҥа — 4 тыһыынча туонна. Амматааҕы салаа таас чох ыскылаатыгар оттугу тиэйиигэ 26 тиэхиньикэ кыттыыны ылла.

Олох-дьаһах коммунальнай хаһаайыстыбатын өрөспүүбүлүкэтээҕи салаалара 2020-2021 сыллааҕы кыстыктарыгар уопсайа 382 400 туонна оттук уматык саппааһа тиэрдиллиэхтээх: 303,5 тыһыынча туонна таас чох, 65,7 тыһыынча туонна ньиэп уонна 13,2 тыһыынча туонна газоконденсаттаах оттук.