Амма өрүскэ массыына сууйбут киһи ыстарааптанна

Амма өрүскэ массыынатын сууйбут суоппары харыстанар уу эбийиэгин быраабылатын кэһии иһин ыстарааптаатылар. Бу туһунан СӨ экологияҕа министиэристибэтин пресс-сулууспата иһитиннэрэр.

Кэһии тахсыытын туһунан иһитиннэрии эрдэ мессенджердэринэн тарҕана сылдьыбыта.

«Инспиэктэрдэр суоппар ким буоларын ол күн тута быһаарбыттара. Быһылаан тахсыытын чахчытынан административнай дьыала тэрилиннэ. Эр киһи ыстараапка тардылынна», – диэн этиллэр.