Амма улууһугар 50 кг тахса туттуллубут батарейканы хомуйдулар

Амма улууһугар экологическай аахсыйа чэрчитинэн 50 кг туттуллубут батарейканы хомуйдулар. Бу туһунан СӨ Экология министиэристибэтин пресс-сулууспата иһитиннэрдэ.

Ол курдук сыл устата олохтоохтор 50 кг тахса туттуллубут батарейканы хомуйбуттар. Алта лиитэрэлээх иһиккэ хаалаан иһэллэр.

Айылҕа харыстабылын судаарыстыбаннай инспектордара уопсастыбаннай инспектордары уонна от күөх пионердары кытта алтынньы 10 күнүгэр хомуйар сирдэриттэн батарейкалары ыллыллар. Амма олохтоохторо сэлиэнньэ атыы-эргиэн кииннэригэр батарейкалары туттарыахтарын сөп. Инспекция хомуйбут батарейкаларын салгыы анал тэрилтэҕэ тиэрдэр.