Амма улууһун сорох нэһилиэгэ уота суох хаалбыт

Амма улууһун сорох олохтоохторо аварийнай араарыыттан сылтаан уота суох хааллылар. Бу туһунан өрөспүүбүлүкэтээҕи сүрүн электрическай ситимнэр пресс-сулууспалара иһитиннэрэр.

«Бүгүн ахсынньы 25 күнүгэр олохтоох бириэмэнэн 17.34 чааска ВЛ 35 кВ Л-41 үрдүк күүрүүлээх ситимҥэ технологическэй кэһии тахсыытын түмүгэр Амма улууһун Амма, Чапчылҕан, Покровка, Болугур, Өнньүөс уонна Бөтүҥ сэлиэнньэлэрэ уота суох хааллылар», – диэн пресс-сулууспа тириэрдэр.

Амматааҕы дизельнай электростанция холбонон — сорох туһанааччылары уотунан хааччыйда.

Бүгүн олохтоох бириэмэнэн 19.40 чаас туругунан үлэһиттэр туһанааччылар улахан аҥардарын саппаас источникка холбоотулар. Саахалы туоратар үлэлэр салҕаналлар.