«Анаабыр алмаастара» сабылларын туһунан иһитиннэрии оруна суох

СӨ Бырамыысаланнас уонна геология министиэристибэтэ интернет ситимигэр тарҕаммыт, алмаас хостуур «АЛРОСА» хампаанньа «Анаабыр алмаастара» АУо сабылларын туһунан иһитиннэриини оруна суоҕунан эттэ. Бу туһунан министиэристибэ пресс-сулууспата иһитиннэрэр.

«АЛРОСА «Анаабыр алмаастарын» үлэтин тохтоппот да, атыылаабат да. Тэрилтэ үрдүк хаачыстыбалаах алмааһы, ол иһигэр өҥнөөх алмааһы хостуур», — диэн иһитиннэриигэ этиллэр.

2020 сыл түмүгүнэн, былаанын 6 %-нан, кыһыл көмүс хостооһунун 55 % куоһаран, көрдөрүүтэ олус үчүгэй.

«Биллэн туран, бүтэһик ыйдарга биһиги тэрилтэлэрбит уонна хампаанньаларбыт оҕустардылар. Ол эрэн бэлиэтиэм этэ, 2020 сыл түмүгүнэн, коронавируһу аахсыбакка, көдьүүстээҕин дакаастаата. Сабар уонна атыылыыр туһунан боппуруос турбат», — диэтэ Саха сиринээҕи геология уонна бырамыысаланнас миниистирэ Максим Терещенко.