Анаабыр улууһун баһылыгын бастакы солбуйааччыта ууга былдьанна

Анаабыр улууһун баһылыгын бастакы солбуйааччыта Валерий Зедгенидзев балаҕан ыйын 12 күнүгэр Сааскылаах сэлиэнньэтин чугаһыгар Орто өрүскэ ууга былдьанна.

Улуус баһылыга Иван Семенов тириэрдэринэн Сааскылаах сэлиэнньэтиттэн 40 килэмиэтир тэйиччи Орто өрүһү туораан испит түөрт киһилээх вездеход тимирэн киирэн барбыт.

Быһылаан содулугар икки киһи ууга түһэн өллө, биир киһи балыыһаҕа сытар.

Улуус баһылыгын бастакы солбуйааччыта Валерий Зедгенидзев уонна биир кэлим диспетчерскэй сулууспа исписэлииһэ Иннокентий Туприн суорума суолланнылар.