Анастасия Диодорова Аан дойду чемпионатыгар боруонса мэтээли ылла

НВК САХА — Анастасия Диодорова Аан дойду харбааһыҥҥа чемпионатыгар боруонса мэтээли ылары ситистэ. Бу туһунан «Спорт Якутии» хаһыат иһитиннэрдэ.

Саха кыыһа 4х50 микст эстафетаҕа үһүс миэстэни ылла. Харбааһыҥҥа Анастасияны кытары биир хамаандаҕа Наталья Буткова (Вологодскай уобалас), Ани Палян (Крым өрөспүүбүлүкэтэ), Роман Жданов, Артур Кубасов (Алтайскай кыраай) уонна Дмитрий Черняев (Челябинскай уобалас) кытыннылар.

Харбааһыҥҥа Аан дойду чемпионата Лондон куоракка балаҕан ыйын 9-15 күннэригэр ыытылла турар. Бу чемпионат 2020 сылга Токиоҕа ыытыллар Олимпийскай оонньууларыгар кыттыыга сүүмэрдиир кэрдиис буолар.

Россия сүүмэрдэммит хамаандата чемпионат төрдүс күнүн түмүгүнэн 11 кыһыл көмүс, 10 үрүҥ көмүс уонна 13 боруонса мэтээлээх.