Антисептик испиттэртэн алтыс киһи тыына быстыбыт

Таатта оройуонугар антисептик испит дьонтон алтыс киһи тыына быстыбыт. 32 саастаах эр киһи өрөспүүбүлүкэтээҕи 2-с нүөмэрдээх балыыһаҕа сыппыт. Бу туһунан доруобуйа харыстабылын министиэристибэтин пресс-сулууспата иһитиннэрдэ. Өссө үс киһи балыыһаҕа сытар.

Санатан эттэххэ, 2020 сыл сэтинньи 18 күнүгэр Таатта улууһун Томтор сэлиэнньэтигэр тоҕус киһилээх хампаанньа чааһынай дьиэҕэ испиирдээх утаҕы испиттэр. Сарсыныгар 41 саастаах дьахтар дьиэтигэр, 27 уонна 59 саастаах икки эр киһи балыыһа реанимациялыыр салаатыгар өлбүттэр.

Бүгүн, сэтинньи 20 күнүгэр, Таатта улуустааҕы киин балыыһатын реанимациялыыр салаатыгар 28 уонна 69 саастаах икки эр киһи тыына быстыбыт.

Сэрэҕэ суохтук быһыыланыыттан дьон өлүүтүн чахчытынан холуобунай дьыала тэрилиннэ.