Антисептик испиттэртэн сэттис киһи тыына быстыбыт

Таатта оройуонугар антисептик испит дьонтон сэттис киһи тыына быстыбыт. Өрөспүүбүлүкэтээҕи 2-с нүөмэрдээх балыыһаҕа сыппыт.

Санатан эттэххэ, 2020 сыл сэтинньи 18 күнүгэр Таатта улууһун Томтор сэлиэнньэтигэр тоҕус киһилээх хампаанньа чааһынай дьиэҕэ испиирдээх утаҕы испиттэр. Сарсыныгар 41 саастаах дьахтар дьиэтигэр, 27 уонна 59 саастаах икки эр киһи балыыһа реанимациялыыр салаатыгар өлбүттэр. Сэтинньи 20 күнүгэр 28, 32 уонна 69 саастаах икки эр киһи тыына быстыбыт.

Сэрэҕэ суохтук быһыыланыыттан дьон өлүүтүн чахчытынан холуобунай дьыала тэрилиннэ.