Антон Силуанов «АЛРОСА» кэтиир сэбиэтин бэрэссэдээтэлинэн иккистээн талылынна

Кэтиир сэбиэт чилиэннэрин кэтэхтэн куоластааһыннарын түмүгэр РФ Үбүн миниистирэ Антон Силуанов кэтиир сэбиэт бэрэссэдээтэлинэн иккистээн талылынна.
Бэлиэтээн эттэххэ, Силуанов Кэтиир сэбиэти 2015 сылтан салайар.
Ил Дархан Айсен Николаев уонна алмаас хостуур хампаанньа генеральнай дириэктэрэ Сергей Иванов бастакы солбуйааччынан уонна Кэтиир сэбиэт бэрэссэдээтэлин солбуйааччытынан хаттаан талылыннылар.
Стратегияны былааннааһын кэмитиэтин бэрэссэдээтэлинэн РФ Үбүн миниистирин солбуйааччы Алексей Моисеев хаалыа. Аудит кэмитиэтин салайааччытынан «Полюса» дириэктэрдэр сүбэлэрин чилиэнэ Мария Гордон ананна, кадр уонна наҕараадалааһын кэмитиэтин — Саха сирин Баайын-дуолун, сирин миниистэрэ Евгения Григорьева.
Кинилэри таһынан АЛРОСА кэтиир сэбиэтин састаабыгар киирэллэр: РФПИ генеральнай дириэктэрэ Кирилл Дмитриев, «Уһук Илиҥҥи инвестицияны тардыы уонна таска таһаарыыны өйүүр агентство» генеральнай дириэктэрин бастакы солбуйааччыта Андрей Донец, «Сибур Холдинг» бырабылыанньа бэрэссэдээтэлэ Дмитрий Конов, Саха сирин бырабыыталыстыбатын бэрэссэдээтэлин солбуйааччы Сергей Местников, Үөһээ Бүлүү оройуонун дьаһалтатын аҕа баһылыгын солбуйааччы эбээһинэһин толорор Наталья Гурьева, «Хотугулуу — арҕааҥы МРСК» дириэктэрдэр сэбиэттэрин чилиэнэ Олег Федоров, «Алдан Полюс» салайар дириэктэрэ Алексей Носков, ону тэҥэ Саха сирин промышленноһын уонна геологиятын миниистирэ Максим Терещенко уонна «Сибиирдээҕи таас чох энергетическэй хампаанньата» экс-баһылыга уонна дириэкэрдэр сэбиэттэрин чилиэнэ Владимир Рашевскай.
Уопсайа АЛРОСА кэтиир сэбиэтигэр 15 киһи киирэр.