Араарыллар бөх иһиттэрин Нерюнгрига туруоруохтара

2020-2021 сылларга Нерюнгрига араарыллар бөххө аналлаах иһиттэри туруоруу бырагыраамата бигэргэтиллибитэ. Бу туһунан куорат дьаһалтата иһитиннэрэр.

Санитарнай ирдэбилгэ эппиэттиир, бөх иһиттэрэ туралларыгар аналлаах миэстэ олбуордарга барытыгар оҥоһулла илик эрээри, бу хайысхаҕа үлэ саҕаланна.

«Сотору кэминэн Карл Маркс аатынан уулусса 25, 25/1 уонна 25/3, Ойуунускай уулуссатын 3/1, Соҕуруу-Дьокуускай аатынан уулусса 25/1, Кравченко уулусса 3, Сосновай уулусса 4, Новостроевскай уулусса 3 уонна 5 нүөмэрдээх дьиэлэрин аттыгар араарыллар бөххө аналлаах иһиттэри туруоруохтара», — диэн иһитиннэриигэ этиллэр.