«Арктика оҕолорун оонньууларыгар» Эбээн Бытантай хамаандата кыайда

Эбээн Бытантай улууһун хамаандата кулун тутар 11-15 күннэригэр ыытыллыбыт IV өрөспүүбүлүкэтээҕи «Арктика оҕолорун оонньууларын» кыайыылааҕынан буолла. Бу туһунан СӨ Арктиканы сайыннарыыга уонна хотугу норуоттар дьыалаларынан министиэристибэтин пресс-сулууспата иһитиннэрэр.

«Арктика оҕолорун оонньууларыгар» Анаабыр, Нерюнгри, Кэбээйи, Өлөөн, Томпо уонна Эбээн Бытантай улуустарын оскуолаларын сүүмэрдэммит хамаандалара кыттыыны ыллылар.

Кытааччылар наартаны ойууга, маамыкта быраҕыыга, эбэҥки футболугар, кэтит хайыһардаах сүүрүүгэ уонна хотугу тустууга күрэхтэстилэр.