Арктика улуустарыттан 60 оҕо Краснодарскай кыраайга сынньалаҥҥа көттө

Арктика уонна хотугу оройуон үөрэнээччилэрин бөлөҕө Краснодарскай кыраай «Орленок» лааҕырыгар көттө. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Оҕолор балаҕан ыйын 7 күнүттэн 27 күнүгэр диэри, уопсайа 21 хонук сынньаныахтара. Маны тэҥэ, 13 арктика улууһугар 100 эбии квотаҕа «Океан» Бүтүн арассыыйатааҕы оҕо киинигэр сынньанарга, оҕолору сүүмэрдээһин салгыы ыытыллар.

«Бүгүҥҥү туругунан, 69 сайаапка киирдэ. Оҕолору сүүмэрдээһин салгыы ыытыллар. Лааҕырга путевка босхо, олорор сиртэн лааҕырга диэри айан ороскуотун СӨ Үөрэҕин уонна наукатын министиэристибэтэ уйунар», — диэн Саха сирин вице-премьерын э.т. Сергей Местников иһитиннэрдэ.