Арнольд Шварцнеггерга сахалыы чороону бэлэхтээтилэр

Мас тардыһыы норуоттар икки ардыларынааҕы федерациятын вице-бэрэсидьиэнэ Одд Хоген Огайо штатын Коламбус куоратыгар «Arnold Classic» спортивнай бэстибээл түмүктүүр түһүмэҕэр Арнольд Шварцнеггерга сахалыы чороону туттарда.

Бэлэҕи спортивнай бэстибээли түмүктүүр тэрээһиҥҥэ анаан оҥорбуттара уонна бэстибээл сүрүн сыанатыгар туттарбыттара бэлиэтэнэр.

Чороону Коламбуска мас тардыһыы норуоттар икки ардыларынааҕы федерациятын вице-бэрэсидьиэнэ Лена Томская, спортивнай бэлэмнэнии киинини дириэктэрин солбуйааччыта Михаил Пахомов уонна норуоттар икки ардыларынааҕы категориялаах судьуйа Егор Ермолаев састааптаах саха сирин бөлөҕө тириэрдибитэ этиллэр.