Арыйаан Тютрин уонна Ньургун Скрябин Беллоруссия чемпионатын финалыгар таҕыстылар

Арыйаан Тютрин уонна Ньургун Скрябин бүгүн, тохсунньу 12 күнүгэр Белоруссия көҥүл тустууга чемпионатын финалыгар кыттыахтара. Бу туһунан «Спорт Якутии» иһитиннэрэр.

Күрэхтэһии бастакы күнүгэр Арыйаан Тютрин 57 киилэҕэ диэри ыйааһыҥҥа үстэ киирсэн болдьох иннинэ түмүктээтэ. Финалга Дмитрий Шамелы кытта күөн көрсүөҕэ.

Ньургун Скрябин 65 киилэҕэ диэри ыйааһыҥҥа иккитэ киирсэн утарсааччыларын хотто. Финалга Владислав Койконы кытта күөн көрсүөҕэ.

Белоруссия чемпионатын финалын быһа эфирэ www.wretsling.by сайтка көстүөҕэ.