Атырдьах ыйын 10 күнүттэн 15 №-дээх оптуобус маршрута уларыйыаҕа

Олохтоохтор көрдөһүүлэринэн атырдьах ыйын 10 күнүттэн 15 №-дээх оптуобус маршрута уларыйарын туһунан Дьокуускай куорат дьаһалтатын пресс-сулууспата иһитиннэрэр.

Оптуобус Сайсаар уокуругун Уустаах Избеков аатынан уулуссаны таарыйан ааһар буолуоҕа. Тохтобуллара 13-с №-дээх олорор дьиэ утары тутулла турар Билибинэ 19/5 №-дээх тутуу аттынан уонна Уустаах Избеков аатынан уулусса Ново-Сайсарскай уулуссалыын быһа охсуһуутугар дылы баар буолуоҕа.