Атырдьах ыйыттан тас дойдулары кытта сырыы сөргүтүллүөн сөп

Атырдьах ыйыгар Россия кыраныысса таһынааҕы дойдулары кытта сөмөлүөтүнэн көтүүлэри сөргүтүөн сөп. Бу туһунан ТАСС иһитиннэрэр.

«Атырдьах ыйын 11 күнүттэн бары тас дойдулары кытта сырыылары сөргүтүү туһунан кэпсэтии ыытыллар», – диэн ааҕыныстыба кэпсэтээччитэ тириэрдэр.

Бу санаа кырдьык соторутааҕыта Россия вице-премьера Татьяна Голиковаҕа ыытыллыбыт сүбэ мунньахха дьүүллэһиллибитин ТАСС иккис кэпсээччитэ тириэрдэр.

Бүгүҥҥү күҥҥэ Россия сорох тас дойдулары кытта сөмөлүөтүнэн сырыыта хайы үйэ сөргүтүллүбүтэ: Великобритания, Турция уонна Танзания. Ону тэҥэ Россия Абхазияны кытта кыраныыссалара аһыллыбыта.

Коронавирус тас дойдулартан киириитин уонна тарҕаныытын сэрэтэр Россиятааҕы суһал штаб, бу испииһэги кэҥэтии туһунан боппуруос чахчы көрүүгэ турарын иһитиннэрдэ.