Авиалесоохрана исписэлиистэрэ Үөһээ Бүлүүгэ баһаары умуруорууга көттүлэр

Авиалесоохрана исписэлиистэрэ Ми-8 бөртөлүөтүнэн Үөһээ Бүлүү улууһун Туобуйа сэлиэнньэтигэр ойуур баһаарын умуруорууга көттүлэр. Бу туһунан нэһилиэнньэ олоҕо-дьаһаҕа куттала суох буолуутун хааччыйар судаарыстыбаннай кэмитиэт пресс-сулууспата иһитиннэрэр.

Авиалесоохрана 14 исписэлиистэн турар бөлөҕө Туобуйа сэлиэнньэтигэр бара турар ойуур баһаарын умуруорууга үлэлиэҕэ.

Исписэлиистэри тириэрдии Саха сирин быыһыыр сулууспатын сайаапкатынан оҥоһуллар.