«Азия оҕолоро-2023» кыһыҥҥы оонньуулар Кузбасска ыытыллыахтара

Кемеровскай уобалас губернатора Сергей Цивилев уонна «Азия оҕолоро» спортивнай оонньуулар норуоттар икки ардыларынааҕы кэмитиэттэрин бэрэсидьиэнэ Владимир Максимов «Азия оҕолоро-2023» II-с кыһыҥҥы оонньуулары Кузбасска ыытар туһунан сөбүлэһиини баттастылар. Бу туһунан уобалас бырабыыталыстыбатын пресс-сулууспата иһитиннэрэр.

«Кузбасска норуоттар икки ардыларынааҕы кыһыҥҥы спортивнай оонньуулары ыытар инфраструктура көхтөөхтүк тэриллэр. «Азия оҕолоро» оонньуулары дьоһуннаахтык ыытарга ону салгыы сайыннарабыт. 2023 сылга араас дойдулартан 800 эдэр спортсмен кэлэрэ күүтүллэр», — диэн Сергея Цивилева эттэ.

Күрэхтэһиилэр бырагыраамаларыгар эбии 10 саҥа көрүҥ киирэрэ бэлиэтэнэр: биатлон, хайа хайыһара, хаҥкылаах сүүрүү, хайыһар, хайыһардаах трамплинтан ыстаныы, сноуборд, фигурнай хатааһылааһын, хоккей, керлинг уонна фристайл (ски-кросс).

Күрэхтэһиилэр Кузбасс түөрт куоратыгар ыытыллыахтара: Кемерово, Таштагол, Новокузнецк уонна Междуреченск.

«Азия оҕолоро» норуоттар икки ардыларыынааҕы бастакы спортивнай оонньуулар 1996 сыллаахха Дьокуускайга ыытыллыбыттара. Бастакы кыһыҥҥы оонньуулар 2019 сыллаахха Южно-Сахалинск куоракка ыытыллыбыттара.