Бүгүн Айаал Лазарев «Москва-2020» Гран-при финалыгар кыттыаҕа

Азия көҥүл тустууга чөмпүйүөнэ Айаал Лазарев бүгүн, сэтинньи 8 күнүгэр «Москва-2020» тустууга Гран-при финалыгар кыттыыны ылыаҕа. Бу туһунан «Спорт Якутии» иһитиннэрэр.

Саха бөҕөһө 125 киилэҕэ диэри ыйааһыҥҥа Кыргызстан хамаандатын аатыттан, Россия хамаандатын аатыттан кыттар Шамиль Шариповы кытта күөн көрсүөҕэ.

Түһүмэх Дьокуускай бириэмэтинэн киэһэ 21.00 чаастан саҕаланыаҕа. Быһа эфир www.wrestrus.ru сайтка көстүөҕэ.

Инники Айаал Лазарев Азербайджан бөҕөһүн Ислам Абуевы 10:0 ахсаанынан кыайбыта.