Бүгүн Ил Дархан Айсен Николаев Чурапчыга үлэлиир

Ил Дархан Айсен Николаев бүгүн, ахсынньы 2 күнүгэр, Чурапчы улууһугар үлэлиир. Бу туһунан Саха сирин баһылыгын уонна бырабыыталыстыбатын пресс-сулууспата иһитиннэрэр.

Килэҥки сэлиэнньэҕэ 90/25 миэстэлээх В.С. Яковлев-Далан аатынан оскуола-уһуйаан аһыллыытыгар кыттыыны ылыаҕа.

«Ону тэҥэ Ил Дархан Арыылаахха дойду бэрэсидьиэнигэр ынаҕы атыылаһарга көмөнү көрдөспүт Алеша Сокольниковы кытта көрсүөҕэ», — диэн иһитиннэриигэ этиллэр.

Дириҥ сэлиэнньэҕэ Айсен Николаев гаас ситимин холбооһуҥҥа кыттыаҕа уонна бастакы гаас ситимигэр холбоммут ыалга Анемподистовтарга сылдьыаҕа.