Бүгүн Ил Дархан анал бирииһигэр ат сүүрдүүтэ ыытылынна

Бүгүн, от ыйын 4 күнүгэр Дьокуускайга Арктикатааҕы судаарыстыбаннай агротехническэй үнүбэрситиэт ипподромугар Ил Дархан Айсен Николаев анал бирииһигэр ат сүүрдүүтэ ыытылынна. Бу туһунан СӨ тыатын хаһаайыстыбатын министиэристибэтин пресс-сулууспата иһитиннэрэр.

Бастакы миэстэни уонна Ил Дархан анала бирииһин Мэҥэ Хаҥаластан Брокер Барс ылла. Тренерэ Василий Игнатьев, жокей Виталий Петров.

2 миэстэни — Мейзи Кинг (Аммма улууһа) ылла. Тренерэ Николай Громов, жокей Спиридон Тимофеев.

3 миэстэни — Мэйн Кониг (Чурапчы улууһа) ылла. Тренерэ Дмитрий Осипов, жокей Анатолий Куличкин.

4 миэстэни — Есаул (Нам улууһа). Тренерэ Сергей Ядреев, жокей Иннокентий Иванов.

Аттар уопсайа алта дистанцияҕа илин-кэлин түһүстүлэр. Бириистээх пуонда уопсай суумата биэс мөлүйүөн солкуобайга тэҥнэстэ.

Коронавирус инфекцията тарҕаныытынан олохтоммут хааччахтааһын миэрэлэринэн сибээстээн, Ил Дархан бирииһигэр ат сүүрдүүтэ маҥнайгытын көрөөччүлэрэ суох ыытылынна.