Бүгүн миниистир Анатолий Семенов Instagram ситимҥэ быһа эфиргэ тахсыаҕа

Бүгүн, балаҕан ыйын 29 күнүгэр Саха өрөспүүбүлүкэтин инновацияҕа, цифровой сайдыыга уонна инфокоммуникационнай технологияларга миниистирэ Анатолий Семенов Instagram ситимҥэ быһа эфиргэ тахсыаҕа. Бу туһунан биэдэмистибэ пресс-сулууспата иһитиннэрэр.

Быһа эфир олохтоох бириэмэнэн 16.00 чаастан саҕаланыаҕа. Мииниистир быһа сибээскэ Горнай улууһуттан тахсыаҕа.

Сибээс инфраструктуратын тутуу, саҥа көҕүлээһиннэр, стартап экспедициялар, судаарыстыбаннайа суох сонуну киэҥник тарҕатар сириэстибэлэри өйөөһүн туһунан кэпсиэҕэ уонна хоруйдарга эппиэттиэҕэ.