Бүгүн — Почта аан дойдутааҕы күнэ

Алтынньы 9 кунэ — Почта аан дойдутааҕы күнэ. Амматааҕы почта ыстаансыйата Саха сиригэр биир бастакынан уонна саамай кырдьаҕас хонтуоранан биллэр. Урукку кэмнэргэ Дьокуускай -Аян трагын сибээстиир биэтэк сүрүн оруолун толорбута. Оттон күн бүгүн Амматааҕы почта улуус үрдүнэн 14 салаалаах, 40 үлэһиттээх.

Аныгы олох ирдэбилинэн почтаҕа сыллата киһи олоҕун чэпчэтэр араас өҥөлөр киирэ тураллар.

«Норуокка саамай туттуллар табаары, аһы да буоллун, кинилэр дьиэҕэ аҕалан атыылыахтарын сөп. Дьиэлэри кэрийэн, сурутуу хомуйаллар, страховка оҥороллор, кыра мобильнай аппараттарынан уот, төлөпүөн, хомунаалынай өҥө төлөбүрүн ылыахтарын сөп», — диэтэ Амматааҕы почта сибээһин салаатын начаалынньыгын солбуйааччы Марина Иванова.

30-тан тахса сыл почта эйгэтигэр эриллэн үлэлии сылдьар Марина Ильинична Иванова — почта үлэһиттэрин династиятын салҕааччы. Кини аҕата Илья Егорович Поисеев эмиэ өр сылларга Абаҕа нэһилиэгин почтатыгар үтүө суобастаахтык үлэлээбит.

«Оскуоланы бүтэрэн баран, толкуйдуу барбакка, почта идэтигэр техникумҥа үөрэммитим. Үлэлии сылдьан, кэтэхтэн үрдүк үөрэҕи бүтэрбитим», — диэн Марина кэпсиир.

Почта үлэһиттэрин саамай үрдук сыанабыллара дьон махтала буолар.

Бу курдук Амматааҕы почта сибээһин салаатыгар чахчы да идэлэригэр бэриниилээх, эппиэтинэстээх дьон үлэлиир.