Бүгүн Россияҕа Аҕа дойдуну көмүскээччилэр күннэрэ

Бүгүн, олунньу 23 күнүгэр Россия үрдүнэн Аҕа дойдуну көмүскээччилэр күннэрэ бэлиэтэнэр.

Сэбиэскэй Сойууска бу күн 1922 сылтан Кыһыл Армия күнүн быһыытынан бэлиэтэнэр буолбута. Аныгы Россияҕа Аҕа дойдуну көмүскээччилэр күннэрин үлэ кэллэктииптэригэр, үөрэх тэрилтэлэригэр уонна дьиэ кэргэҥҥэ бэлиэтииллэр. Ону таһынан байыаннай албан аат күннэрин испииһэгэр киирэр.

Ил Дархан Айсен Николаев Саха сирин олохтоохторун бырааһынньыгынан эҕэрдэлээтэ.

«Бу бырааһынньык чахчы норуот бырааһынньыга буолар. Аҕа дойдуну көмүскээһин — хас биирдии эр киһиэхэ дьарыгыттан тутулуга суох, ытык иэһэ буолар. Чуолаан ол иһин, биһиги бу күн Россия эр дьонун барыларын чиэстиибит», — диэн эттэ.

Элбэх омуктаах Россия норуотун бэйэни билиниитэ Аҕа дойду Улуу сэриитин кытта быстыспат сибээстээҕин бэлиэтээтэ.

«Биһиги Россия армиятынан, кини чахчы эйэни түстүүр ис дьиҥинэн, килбиэнинэн, чиэһинэн уонна байыаннай кыаҕынан киэҥ туттабыт. Ааспыт кэм дьоруойдарын туһунан өйдөбүлү сүрэхпитигэр иҥэрэн илдьэ сылдьабыт, бүгүҥҥү эйэлээх кэмин түстээбит судаарыстыбабыт үгүс үйэлээх байыаннай историятын ытыктыыбыт», — диэн Айсен Николаев эттэ.