Бүгүн Владимир Путин Федеральнай мунньахха туһаайар этии оҥоруо

Россия бэрэсидьиэнэ Владимир Путин бүгүн, тохсунньу 15 күнүгэр, Федеральнай мунньахха туһаайан этии оҥоруо. Бу туһунан Кремль пресс-сулууспата иһитиннэрэр.

Тэрээһин Москва бириэмэтинэн күнүс 12.00 чааска саҕаланар. Тыл этиитэ телевидение уонна араадьыйа нөҥүө быһа эфирга тахсыаҕа.

Сыллата туһаайар 16-с этиитигэр Россия бэрэсидьиэнэ дойду бүгүҥҥү балаһыанньатыгар сыанабыл биэриэ уонна сүрүн кэскиллээх соруктарга көрүүтүн үллэстиэ. Сүрүн болҕомто нэһилиэнньэ дохуотун таһымын үрдэтии боппуруоһугар ууруллара күүтүллэр.