«Өбүгэ тыла» өрөспүүбүлүкэтээҕи оҕо куонкуруһа түмүктэннэ

2019 сыл Аан дойду аҕыйах ахсааннаах норуотун тылынан биллэриллибитэ. АЛРОСА экологияҕа киинэ тэрийэн ыыпыт өрөспүүбүлүкэтээҕи «Өбүгэ тыла» оҕо куонкуруһа түмүктэннэ. Бу туһунан хампаанньа пресс — сулууспата иһитиннэрэр.

Күрэхтэһиигэ өрөспүүбүлүкэ араас улуустарыттан 7-титтэн 18-ыгар диэри саастаах оҕолорго ыытылынна. Хас да ый устыгар 800-тэн тахса оҕо бэстибээл сүүмэрдиир түһүмэҕэр бэйэлэрин дьоҕурдарын көрдөрдүлэр.

«Өбүгэ тыла» бэстибээл култуура, экология уонна этнография эйгэтигэр хампаанньа тутаах уонна улахан тэрээһининэн буолар. Оҕолору художественнай композиция актуальноһын, бэриллибит тиэмэҕэ сөп түбэһии, режжиссуура, сценическэй култуура, толоруу хаачыстыбатын, кыттааччылар көстүүмнэрин уонна регламены тутуһуу сүрүн критерийдэринэн сыаналаатылар», — диэн АЛРОСА экологияҕа киинин салайаачыта Полина Анисимова бэлиэтээтэ.

Айар коллективтар ырыалары, үҥкүүлэри, хоһооннору, төрөөбүт тылга уонна Хоту норуотун үгэһигэр олоҕурбут туруоруулары көрдөрдүлэр. Финалга алта коллектив ааста. Кыайыылааҕынан Үөһээ Бүлүү М.А. Алексеев аатынан лицей-интернат оскуолатын «Дьулусхан» ансаамбыла буолла.

Куонкурус АЛРОСА хампаанньа эколгияҕа киинин булугуччулаах былааныгар киирсэрэ бэлиэтэнэр.