«Бүлүү» А-331 трасса мууһунан айан суола аһылынна

Бүгүн, ахсынньы 3 күнүгэр, «Бүлүү» А-331 трасса 1049-с килэмиэтиринэн мууһунан айан суола аһылынна. Бу туһунан «Бүлүү» ФКУ суол управлениетын пресс-сулууспата иһитиннэрэр.

«Бүлүү өрүс туоруур суол 1049-с килэмиэтиринэн — Кириэстээх сэлиэнньэнэн, түөрт тоннаҕа диэри ыйааһыннаах тырааныспардарга сырыы көҥүллэннэ», — диэн иһитиннэриигэ этиллэр.

Маны таһынан, 2020 сыл ахсынньы 15 күнүттэн уон тоннаҕа диэри уйуктаах тырааныспар сырыыта көҥүллэнэрэ былааннанар.