Бүлүү бөлөх улуустарыгар сайыҥҥы уу суолунан таһаҕаһы тиэрдии түмүктэннэ

«Саханефтегазсбыт» хампаанньа Бүлүү бөлөх улуустарыгар сайыҥҥы уу суолунан тиэрдиллэр уматыгы таһан бүппүтүн туһунан тэрилтэ пресс-сулууспата иһитиннэрэр.

«Навигация кэмигэр Бүлүү өрүһүнэн уопсайа 5860,4 туонна ньиэп бородуукталара Бүлүү бөлөх улуустарыгар тиэрдилиннилэр, ол иһигэр 2710,3 туонна Ньурбатааҕы ньиэп баазатыгар уонна 3150,1 туонна Сунтаардааҕы ньиэп ыскылаатыгар», — диэн хампаанньа бэлиэтиир.

Өссө 23 990 туонна ньиэп бородуукталарын «Алроса», «Туймаада-нефть» уонна «Газпром-нефть» курдук бөдөҥ хампаанньаларга харалтаҕа тиксэрдилэр.

Эбэн эттэххэ, Бүлүү бөлөх улуустарыгар ньиэп бородуукталарын тиксэриигэ Ньурбатааҕы салаа эппиэтинэһи сүгэр.